DEAR CUSTOMER:

We wish to remind you of your unpaid electric consumption in the sum of P4,483.60, the details of which are indicated below. As you may have simply overlooked this account, we are making this reminder to you to save your service from disconnection which shall be affected on 12 Sep. 2008 or anytime thereafter, if said amount remains unpaid. Our branch offices are open to receive payment from 8:00 AM to 5:00 PM during workdays and from 8:00 AM to 12:00 Noon on Saturdays. In case the service is disconnected, we will promptly reconnect upon payment of the unpaid amount and the reconnection fee of P22.40.

Thank you for the kind attention. Please disregard this notice if payment has already been made.

Sincerely,

ROOSEVELT BRANCH

PINAKAMAMAHAL KONG ROOSEVELT BRANCH:

Kamusta ka naman ah?!?! Sana ay nasa mabuti kang kalagayan sa pagtanggap mo ng liham kong ito. Ok naman me kaya sana ay ok lang din you. Matagal tagal na din akong sumasagot sa mga liham mo subalit kahit minsan ay hindi mo man lang sinagot pabalik ang kahit isa sa mga ito.

Bata pa lang ako ay halos magka-penpal na tayo. Ilang taon mo na din akong pinapadalan ng mga sulat na ganito. Akala ko dati edukado ka, kasi naman, puro wikang banyaga ang gamit mong mga salita. Minsan pa nga ay nagdugo ang ilong ko ng hindi ko namamalayan habang ninamnam ko ang bawat salita ng lab leter mo. Kailan ko na lang napansin nuong nagka-utak na ako na halos pare-pareho lang pala ang laman ng mga sulat mo maliban sa mga petsa at numerong nakapaloob sa mga ito. Minsan tuloy ay naisip kong kapareho din kitang bobo.

Hanggang ngayon ay namimisteryohan pa rin ako sa pagkatao mo. Sulat ka nga ng sulat subalit kahit minsan ay hindi ka man lang naglakip ng larawan mo. Hindi naman ako abusado at simple lang naman ang kahilingan ko. Isang litrato mo lang na kahit pa naka-side view ay tiyak na liligaya na ako.

Siguro panget ang sulat kamay mo. Napansin ko lang kasi na laging produkto ng makinilya itong mga ipinapadala mo. Nahalata ko din na puro kulay dalandan ang ang mga liham mo pero ganun pa man ay hindi kahit minsan pumasok sa isip ko na may halong berde ang iyong dugo.

Siya nga pala, nabayaran ko na ang halagang nakasaad sa liham na ito. Pinuntahan kita sa lugar na nabanggit mo ngunit gaya ng dati, bigo nanaman akong masilayan ang kaanyuhan mo. Namuti na ang gilid ng mga mata ko pero kahit anino ng kuko mo sa paa ay hindi ko man lang nasulyapan. Dahil sa maintindihin naman ako ay inisip ko na lang na marami kang ginagawa kaya hindi ka nakasipot sa oras na iyong nabanggit. Ganun pa man ay hindi pa rin nawawala ang pag-asa ko na isang araw ay magkikita din tayo.

Hanggang dito na lamang ang liham ko. Hihintayin ko ang sagot mo. Kung wala kang panahon ay i-text you na lang me sa numerong pinadala me sa you sa huling pitumpu’t pitong liham me. Mag-iingat you lagi and ‘wag you sanang papabayaan ang sarili you.

Nagmamahal ng lubos,

CUSTOMER

P.S. (Pahabol Sayo)

Nagtataka lang ako kung bakit laging sobrang laki ng perang kinakailangan mo. Malimit lang naman kaming gumamit ng air-con at kadalasan ay nakapatay ang aming prijider dahil madalas ay tubig lang ang laman at minsan ay wala pa nga. Napapansin ko din na tuwing may kailangan ka lang kung magparamdam. Bulag ang pag-ibig at dahil dito kaya ayokong isipin na pineperahan mo lang ako. Till, here. Muah!